ការសិក្សាឥរិយាបថអ្នកប្រើប្រាស់ គឺការសិក្សារដំណើរការសម្រេចចិត្តទិញរបស់អ្នកប្រើប្រាស់។ ឥរិយាបថអ្នកប្រើប្រាស់រួមមានរាល់កត្តាដែលមានឥទ្ធិពលដល់ការសម្រេចចិត្តទិញ និងប្រើប្រាស់ផលិតផលឬសេវា។
អ្នកប្រើប្រាស់មាន ២ប្រភេទ គឺអ្នកប្រើប្រាស់ចុងក្រោយ និងអ្នកប្រើប្រាស់អាជីវកម្ម។
អ្នកប្រើប្រាស់ចុងក្រោយ
អ្នកប្រើប្រាស់ចុងក្រោយ ជាអ្នកទិញទំនិញ ឬសេវាដើម្បីប្រើប្រាស់ផ្ទាល់ក្នុងការបំពេញសេចក្តីត្រូវការផ្សេងៗដែលមិនមែនជាអាជីវកម្ម ដូចជាផលិតផល ឬទំនិញដើម្បីការដោះស្រាយការស្រេកឃ្លាន ការធ្វើដំណើរ ការស្នាក់នៅ ការស្លៀកពាក់ជាដើម។
អ្នកប្រើប្រាស់អាជីវកម្ម
អ្នកប្រើប្រាស់អាជីវកម្ម ជាអ្នកទីញទំនិញ ឬសេវាដើម្បីប្រើប្រាស់ក្នុងការផលិតទំនិញ ឬសេវាដ៏ទៃសម្រាប់លក់។
លំដាប់ថ្នាក់នៃតម្រូវការ
លោកម៉ាស្លួបានពន្យល់ថា មនុស្សតែងបំពេញតម្រូវការតាមលំដាប់ថ្នាក់ពីទាបទៅខ្ពស់ ហើយនៅពេលគេបំពេញតម្រូវការនៅដំណាក់ណាមួយរួចហើយ គេនឹងបំពេញតម្រូវការនៅដំណាក់បន្ទាប់មួយទៀត។ ជាបឋម មនុស្សគ្រប់រូបត្រូវតែបំពេញតម្រូវការសរីរៈជាចាំបាច់មិនអាចចៀសរួច ពោលគឺជាចាំបាច់គេត្រូវបរិភោគ ដេក នឹងដកដង្ហើមដើម្បីរស់។ នៅក្នុងតម្រូវការដំណាក់ខ្ពស់បំផុត មនុស្សត្រូវការធ្វើឲ្យសម្រេចបំណងណាមួយដែលខ្លួនបានប៉ងប្រាថ្នា តាមរយៈការប្រើប្រាស់អំណាចណាមួយដែលខ្លួនមាន ដូចជា ឋានៈ តួនាទី ទ្រព្យសម្បត្តិ កម្លាំងកាយ បញ្ញា ប្រឌិតញាណជាដើម។
កម្លាំងជម្រុញឲ្យមានការទិញ
កម្លាំងជម្រុញឲ្យមានការទីញ គឺឥទ្ធិពលណាមួយដេលជម្រុញឲ្យអតិថិជនទិញទំនិញ ឬសេវា។ កម្លាំងជម្រុញឲ្យមានការទីញ មានប្រភេទផ្សេងៗដូចខាងក្រោម៖
១. កម្លាំងជម្រុញដោយភាពរំភើប (អារម្មណ៌ ជំនឿ ឬឥរិយាបថ)
២. កម្លាំងជម្រុញដោយភាពសមហេតុផល (មូលហេតុនៃការទិញដោយផ្អែកលើការពិតឬតក្កភាព)
៣. កម្លាំងជម្រុញដោយការគាំទ្រ (ភក្ដីភាព)
ឥរិយាបថក្នុងការទិញ
ឥរិយាបថក្នុងការទីញ សំដៅលើសកម្មភាពឬដំណើរការសម្រេចចិត្តរបស់អតិថិជនក្នុងការទិញ និងប្រើប្រាស់ផលិតផលឬសេវា។ យើងអាចមើលឃើញឥរិយាបថក្នុងការទិញរបស់អតិថិជននៅពេលគេកំពុងប្រៀបធៀបផ្គូផ្គងផលិតផល ឬសេវានានា ដើម្បីធ្វើសេចក្ដីសម្រេចចិត្តឲ្យបានប្រសើរបំផុត។
បែបផែននៃដំណើរការសម្រេចចិត្តរបស់អតិថិជន គឺដំណើរការប្រមូលព័ត៌មាន និងជ្រើសយកជម្រើសណាមួយក្នុងបណ្ដាជម្រើសជាច្រើន។ មុននឹងសម្រេចចិត្តទិញផលិតផល ឬសេវាជាក់លាក់ណាមួយ អតិថិជនតែងមានសកម្មភាពតាមលំដាប់ណាមួយក្នុងបែបផែននៃដំណើរសម្រេចចិត្តទិញជាដំណាក់ៗដូចខាងក្រោម៖
១. ស្វែងយល់ពីតម្រូវការៈ ជាដំបូង អតិថិជនតែងតែស្វែងយល់ពីតម្រូវការ សេចក្ដីប្រាថា្ន ឬបញ្ហាពិតប្រាកដរបស់ខ្លួន។ ការស្គាល់បញ្ហា ឬការដឹងពីតម្រូវការពិតប្រាកដរបស់ខ្លួន គឺការស្ថិតនៅដំណាក់ដំបូងក្នុងលំនាំនៃការសម្រេចចិត្តទិញផលិតផល ឬសេវាជាក់លាក់ណាមួយ។
២. ការស្រាវជ្រាវព័ត៌មានដើម្បីកំណត់តម្រូវការៈ នៅដំណាក់កាលបន្ទាប់ អ្នកប្រើប្រាស់តែងស្រាវជ្រាវព័ត៌មានទាំងឡាយដែលពាក់ព័ន្ធទៅនឹងបញ្ហា ឬតម្រូវការពិតប្រាកដរបស់ខ្លួន។
៣. ជម្រើសនៃតម្រូវការៈ ក្រោយពេលដែលប្រមូលព័ត៌មាន អ្នកប្រើប្រាស់តែងធ្វើការប្រៀបធៀប ផ្គូផ្គងតម្លៃនៃជម្រើសនីមួយៗ ដើម្បីកំណត់ថាតើជម្រើសមួយណាប្រសើរជាងគេ។ គេអាចធ្វើការប្រៀបធៀបគុណសម្បត្តិ និងគុណវិបត្តិនៃជម្រើសនីមួយៗ ពិនិត្យមើលថ្លៃ និងចាត់ថ្នាក់ជម្រើសដែលមាន។
៤. ការសម្រេចចិត្តៈ ការទិញស្ថិតនៅដំណាក់ទី៤ បន្ទាប់ពីពេលដែលអ្នកប្រើប្រាស់មានការសម្រេចជ្រើសយកជម្រើសមួយដោយច្បាស់លាស់។ ក្រោយពីការសម្រេចចិត្ត គេតែងរើសយកផលិតផលឬសេវាណាមួយដើម្បីទិញ។
៥. រង្វាយតម្លៃលទ្ធផលនៃការសម្រេចចិត្ត (ក្រោយពេលទិញ)៖ ការវាយតម្លៃក្រោយពេលទិញ ជាដំណាក់ចុងក្រោយនៃលំនាំសម្រេចចិត្តក្នុងការទិញ។ នៅដំណាក់កាលនេះ អ្នកទិញវាយតម្លៃភាពពេញចិត្តរបស់ខ្លួននៅពេលប្រើប្រាស់ផលិតផល ឬសេវាដែលបានទិញ។
ប្រភេទនៃការសម្រេចចិត្ត
ឥរិយាបថក្នុងការទិញរបស់អ្នកប្រើប្រាស់មាន៣ប្រភេទដូចជាៈ
១. ឥរិយាបថឆ្លើយតបតាមទម្លាប់ៈ គឺការសម្រេចចិត្តទិញផលិតផលមួយដោយមិនមានការគិតគូរច្រើន។ វាកើតឡើងដោយសារតែអតិថិជនបានសម្រេចចិត្តទិញដដែលៗជាច្រើនដងរួចមកហើយចំពោះផលិតផលប្រភេទណាមួយ។
២. ការសម្រេចចិត្តដោយស្ទាក់ស្ទើរៈ គឺការសម្រេចចិត្តមិនច្បាស់លាស់របស់អ្នកប្រើប្រាស់ ដោយហេតុថាគេបានស្គាល់និងធ្លាប់ប្រើប្រាស់ផលិតផលប្រភេទណាមួយនោះរួចមកហើយ។ ការសម្រេចចិត្តប្រភេទនេះកើតមានឡើងនៅពេលដែលមានការផ្សាយផលិតផលថ្មីមួយស្រដៀងគ្នានឹងផលិតផលដែលអ្នកប្រើប្រាស់ធ្លាប់ទិញ។ ព័ត៌មានបន្ថែម និងការវាយតម្លៃខ្ពស់ចំពោះផលិតផលថ្មីនេះ មានសារៈសំខាន់បំផុតចំពោះអ្នកទិញមុនពេលគេជ្រើសរើសនិងសម្រេចចិត្តទិញ។
៣. ការសម្រេចចិត្តដោយទូលាយៈ គឺស្ថានភាពនៃការសម្រេចចិត្តទិញផលិតផលទាំងឡាយណាដែលមានថ្លៃខ្ពស់ហើយដែលគេមិនបានស្គាល់ពីមុនមក។
ឥទ្ធិពលនៃការសម្រេចចិត្ត
មានកត្តាខាងក្នុងនិងខាងក្រៅជាច្រើន ដែលមានឥទ្ធិពលលើដំណើរការសម្រេចចិត្តទិញដូចជាៈ
១. បុគ្គលិកលក្ខណៈ
២. វណ្ណៈសង្គម
៣. បរិយាកាសវប្បធម៌
៤. ក្រុមពិគ្រោះ គឺជាក្រុម ឬអង្គភាពដែលជាអ្នករក្សាទំនៀមទម្លាប់ គុណតម្លៃ និងអាកប្បកិរិយារបស់ស្ថាប័ន អង្គភាព ក្រុមជនជាតិ ឬសាសនាណាមួយដែលរួមមាន ក្រុមអ្នកមានឋានៈប្រហាក់ប្រហែលគ្នា ឬគ្រួសារល្បីឈ្មោះ។
អរគុណណាស់សម្រាប់ការចែករំលែក...!
ReplyDeleteមេរៀនល្អ
ReplyDeleteCasino & Gaming - Mapyro
ReplyDeleteFind 계룡 출장샵 Casino & 논산 출장마사지 Gaming locations, 군포 출장안마 rates, amenities: expert 경상북도 출장샵 Las Vegas research, only at Hotel and Travel Index. Casino at Wynn Las Vegas, 당진 출장안마 Las Vegas.